Ve voglio fa’ na lettera all’ingrese,
chiena ’e tèrmene scìvete e cianciuse,
e ll’aggia cumbinà tanto azzeccosa
ca s’ha d’azzeccà mmano pe nu mese.
Dinto ce voglio mettere tre ccose,
nu suspiro, na lacrema e na rosa,
e attuorno attuorno a ll’ ammillocca nchiusa
ce voglio da’ na sissantina ’e vase.
Tanto c’avita di’: Che bella cosa!
Stu nnammurato mio quanto è priciso!
Mentr’io mme firmo cu gnostia odirosa:
Il vosto schiavotiello: Antonio Riso.
poesia di Salvatore Di Giacomo
illustrazione di roberto la forgia
Nessun commento:
Posta un commento